ملف المريض الإلكتروني: كل حاجة عن المريض في صفحة واحدة
بيانات المريض وتاريخه المرضي وزياراته وروشتاته وتقاريره وصوره، قدامك قبل ما يقعد على الكرسي.
إيه اللي تقدر تعمله
تاريخ مرضي وزيارات
كل زيارة بملاحظاتها، وتقدر تقارن تقدم المريض من زيارة للتانية.
تقارير طبية
تقارير منظمة مع رسم توضيحي للجسم تعلّم عليه مكان الشكوى، وأكواد ICD-10 للتشخيص.
مقاييس تقييم جاهزة
أكتر من 50 مقياس طبي معروف بتتحسب لوحدها وتتحفظ في الملف.
صور قبل وبعد
ارفع صور المريض وقارن قبل وبعد بشريط سحب.
بحث سريع
دوّر على المريض بالاسم أو الموبايل، أو اسأل المساعد الذكي.
سلة محذوفات
لو اتمسح حاجة بالغلط، رجّعها.
بيشتغل إزاي
ضيف المريض
الاسم والموبايل وبس، والباقي بعدين.
سجّل الزيارة
كتابة أو بصوتك، وضيف روشتة أو تقرير.
ارجع له أي وقت
من الموبايل أو الكمبيوتر بنفس الحساب.
أسئلة عن ملف المريض الإلكتروني
بيانات المرضى في أمان؟
الاتصال مشفّر، وكل عيادة بياناتها منفصلة، والصلاحيات بتحدد مين يشوف إيه. التفاصيل في سياسة الخصوصية.
أقدر أفتح الملف من الموبايل والكمبيوتر؟
أيوه، التطبيق على أندرويد وويندوز والويب بنفس الحساب.
المريض يقدر يوريني ملفاته من تطبيقه؟
أيوه، المريض يقدر يشاركك ملفاته بكود QR من تطبيق Dr. AI Health.
جرّب في عيادتك النهاردة
الخطة المجانية دائمة ومن غير كارت. متاح على أندرويد وويندوز والويب.
افتح نظام العيادةمميزات تانية في Dr. AI
💊 الروشتة الإلكترونية
ابدأ تكتب اسم الدواء والتطبيق يكمّل، واحفظ روشتاتك المتكررة كقوالب، واطبعها على ورق عيادتك.
🩺 أدوات الفحص والمقاييس
أدوات بتستخدمها في الكشف كل يوم، والنتيجة بتتحفظ في ملف المريض على طول.
🎙️ التفريغ الصوتي
سجّل وإنت بتكشف، والتطبيق يكتب الكلام ويحطه في ملاحظات الزيارة، وإنت تراجع وتحفظ.